UN BELÉN MÁXICO

Din que cada ano o neno Xesús elixe un lugar distinto onde nacer. Este ano elixiu a casa do MAGO DA LUZ. Que onde queda iso? Pois... En na cidade de FANTASÍA ANIMADA, un lugar máxico habitado por uns magos e magas especiais que queren ensinar aos nenos a manterner viva a ilusión dun mundo mellor.

Así que o Mago das Palabras Amables, o Mago da Sabedoría, a Maga da Ilusión, o Mago da Alegría, o Mago do Amor, a Maga da Imaxinación, a Maga da Vida, o Mago da Luz... arroupan, co seu canto ao neno Xesús, mentres non ensinan que o Nadal debemos de facelo todos os días. Cando nos queremos, cando compartimos, cando repartimos abrazos, sorrisos, cando facemos ben as cousas, cando dicimos a verdade, cando non nos enfadamos, cando xogamos xuntos, cando sabemos perdoar, cando axudamos na casa... FACEMOS O NADAL!

Parabéns aos alumnos e alumnas de 4º de Primaria e 6º de Primaria por este estupendo traballo!